18 எம்.எல்.ஏ.க்கள் தகுதி நீக்க வழக்கின் இறுதி விசாரணை நிறைவடைந்து
பதிவு : செப்டம்பர் 01, 2018, 10:55 AM
10 சதவீத மக்களை பிரதிநித்துவப்படுத்தும் 18 எம்.எல்.ஏ.க்களை தகுதி நீக்கம் செய்து பிறப்பித்த உத்தரவு தவறு எனவும் வாதிட்டார்.
18 எம்.எல்.ஏ.க்கள் தகுதி நீக்க வழக்கில், அனைத்து தரப்பு வாதங்காலும் முடிவடைந்ததை அடுத்து, தீர்ப்பை தேதி குறிப்பிடாமல் தள்ளிவைத்தார், மூன்றாவது நீதிபதி சத்தியநாராயணன்.முதல்வர் மீது நம்பிக்கையில்லை எனவும், அவருக்கு அளித்த ஆதரவை விலக்கிக் கொள்வதாகவும் கடந்த ஆண்டு ஆகஸ்ட் மாதம் ஆளுநரிடம் கடிதம் அளித்ததன் மூலம், கட்சித் தாவல் நடவடிக்கையில் ஈடுபட்டதாகக் கூறி, வெற்றிவேல், தங்கத்தமிழ் செல்வன் உள்ளிட்ட 18 எம்.எல்.ஏ.க்களை தகுதி நீக்கம் செய்து, கடந்த ஆண்டு செப்டம்பர் மாதம் உத்தரவு பிறப்பித்தார் சபாநாயகர்.இந்த உத்தரவை எதிர்த்து தொடரப்பட்ட வழக்குகளை விசாரித்த அப்போதைய தலைமை நீதிபதி இந்திரா பானர்ஜி, நீதிபதி சுந்தர் அடங்கிய அமர்வு, இரு வேறு தீர்ப்புகளை வழங்கியது. சபாநாயகரின் உத்தரவு செல்லும் என தலைமை நீதிபதியும், செல்லாது என நீதிபதி சுந்தரும் தீர்ப்பளித்திருந்தனர். இதனால் வழக்கு மூன்றாவது நீதிபதி விசாரணைக்கு பரிந்துரைக்கப்பட்டது. 
உச்ச நீதிமன்ற உத்தரவின்படி, மூன்றாவது நீதிபதியாக நீதிபதி சத்தியநாராயணன், கடந்த ஜூலை மாதம் முதல் விசாரணையை துவங்கினார். 12 நாட்களாக நடந்த விசாரணை இன்றுடன் முடிவடைந்து, வழக்கின் தீர்ப்பு தேதி குறிப்பிடாமல் தள்ளிவைக்கப்பட்டுள்ளது. இறுதி நாளான இன்று, சபாநாயகர் தரப்பில் ஆஜரான மூத்த வழக்கறிஞர் ஆரியமா சுந்தரம், தகுதி நீக்க உத்தரவு அவசரகதியில் பிறப்பிக்கப் படவில்லை என்றும் சட்டம் மற்றும் இயற்கை நியதிக்கு உட்பட்டு உத்தரவு பிறப்பிக்கப்பட்டதாகவும் தெரிவித்தார்.
மேலும் கட்சித் தலைமைக்கு எதிராக செயல்படுவது என்பது கட்சிக்கும், ஆட்சிக்கும் எதிராக செயல்பட்டதாக கருதி, கட்சித் தாவல் தடைச் சட்டத்தின் கீழ் தகுதி நீக்கம் செய்ய சபாநாயகருக்கு அதிகாரம் உள்ளதாகவும் வாதிட்டார்.வேறு கட்சிக்கு மாறினால் மட்டுமல்லாமல், கட்சித் தலைமைக்கு எதிராக செயல்படுவது, பேசுவதும் கூட கட்சித் தாவலாக கருதி தகுதி நீக்கம் செய்ய முடியும் எனவும் வாதிட்டார்.18 எம்.எல்.ஏ.க்கள் தரப்பில் மூத்த வழக்கறிஞர் பி.எஸ்.ராமன் தன் பதில் வாதத்தில், எந்தவித ஆதாரங்களும் இன்றி தகுதி நீக்க உத்தரவு பிறப்பிக்கப்பட்டுள்ளதாகவும், கட்சித் தலைமைக்கு எதிர்ப்பு தெரிவிப்பது கட்சித்தாவல் ஆகாது எனவு. குறிப்பிட்டார்.கட்சி தலைமைக்கு எதிராக செயல்படுவது, கருத்து தெரிவிப்பது, கட்சிக்கு எதிரானது என்றும், ஆட்சிக்கு எதிரானது என்றும் கருதி தேர்ந்தெடுக்கப்பட்ட பிரதிநிதிகளை தகுதி நீக்கம் செய்தால் அது பேராபத்தாக இருக்கும் எனவும், இது கட்சித்தலைமைக்கு அடிமையாக இருக்க வேண்டிய நிலையை ஏற்படும் எனவும் குறிப்பிட்டார்.10 சதவீத மக்களை பிரதிநித்துவப்படுத்தும் 18 எம்.எல்.ஏ.க்களை தகுதி நீக்கம் செய்து பிறப்பித்த உத்தரவு தவறு எனவும் வாதிட்டார்.கடந்த 12 நாட்களாக நடந்த வாதங்கள் இன்றுடன் நிறைவு பெற்றதை அடுத்து, வழக்கின் தீர்ப்பை நீதிபதி சத்தியநாராயணன், தேதி குறிப்பிடாமல் தள்ளிவைத்தார்.



தொடர்புடைய செய்திகள்

இலங்கை தமிழர்களை பாதுகாக்க பிரதமர் மோடியால் மட்டுமே முடியும் - பொன்.ராதாகிருஷ்ணன்

இலங்கை தமிழர்கள் உட்பட உலகம் முழுவதும் உள்ள தமிழர்களை பாதுகாக்க பிரதமர் மோடியால் மட்டுமே முடியும் என பொன்.ராதாகிருஷ்ணன் தெரிவித்துள்ளார்.

1568 views

அரசுப் பள்ளிகளில் சேரும் மாணவர்களின் எண்ணிக்கை சரிவு : தனியாரில் அதிகரிப்பு

தமிழக அரசுப் பள்ளிகளில் சேரும் மாணவர்களின் எண்ணிக்கை அதிரடியாக சரிவடைந்தது, கல்வியாளர்கள் மற்றும் சமூக ஆர்வலர்களை வருத்தமடையச் செய்துள்ளது.

5930 views

களவாணி மாப்பிள்ளை படத்தின் டிரெய்லர் வெளியீடு

நடிகர் தினேஷ், அதிதி மேனன் நடிப்பில் உருவாகி இருக்கும் களவாணி மாப்பிள்ளை படத்தின் டிரெய்லர் வெளியாகி உள்ளது.

6692 views

பிற செய்திகள்

"நிதிநிலை அறிக்கையை அ.தி.மு.க. வரவேற்கிறது" - மக்களவையில் அ.தி.மு.க. எம்.பி. ரவீந்திரநாத் பேச்சு

தமிழகத்துக்கு வழங்க வேண்டிய நிலுவைத் தொகையை விரைந்து வழங்க வேண்டும் என்றும், நிதிநிலை அறிக்கையில் இடம் பெற்றுள்ள அம்சங்களை அ,தி.மு.க. வரவேற்பதாகவும், நிதிநிலை அறிக்கை மீதான விவாதத்தில் கலந்து கொண்டு பேசிய அ.தி.மு.க. உறுப்பினர் ரவீந்திரநாத் குமார் தெரிவித்தார்.

11 views

தென்காசி, செங்கல்பட்டு புதிய மாவட்டங்கள் : சமத்துவ மக்கள் கட்சி தலைவர் சரத்குமார் பாராட்டு

தென்காசி, செங்கல்பட்டு தனி மாவட்டமாக அறிவிக்கப்பட்டதற்கு சமத்துவ மக்கள் கட்சி தலைவர் சரத்குமார் பாராட்டு தெரிவித்தார்.

15 views

காஞ்சிபுரம் அத்திவரதரை தரிசிக்க சென்ற 4 பேர் உயிரிழப்பு : உயிரிழந்த 4 பேரின் குடும்பத்திற்கு தலா ஒரு லட்சம் ரூபாய் - முதலமைச்சர் எடப்பாடி பழனிசாமி அறிவிப்பு

அத்திவரதரை தரிசிக்க சென்ற போது உயிரிழந்த 4 பேரின் குடும்பத்திற்கு தலா ஒரு லட்சம் ரூபாய் வழங்கப்படும் என்று முதலமைச்சர் எடப்பாடி பழனிசாமி அறிவித்தார்.

10 views

காஞ்சிபுரம் அத்திவரதரை தரிசிக்க சென்ற 4 பேர் உயிரிழப்பு : சட்டப்பேரவையில் எதிர்க்கட்சி தலைவர் ஸ்டாலின் கேள்வி

காஞ்சிபுரம் அத்தி வரதரை தரிசிக்க செல்லும் மக்களுக்கு உரிய பாதுகாப்பு ஏற்பாடுகளை செய்து தரவேண்டும் என்று எதிர்க்கட்சி தலைவர் ஸ்டாலின் வலியுறுத்தினார்.

16 views

சி.பா.ஆதித்தனார் பெயரில் சிற்றிதழ் விருது : பேரவையில் அமைச்சர் மாஃபா பாண்டியராஜன் அறிவிப்பு

சி.பா.ஆதித்தனார் பெயரில் 'சிற்றிதழ் பரிசு' எனும் புதிய விருது தோற்றுவித்து, இனி ஆண்டுதோறும் வழங்கப்படும் என, சட்டப்பேரவையில் அமைச்சர் மாஃபா பாண்டியராஜன் அறிவித்தார்.

12 views

"கும்பகோணம் விரைவில் தனி மாவட்டமாகிறது" - வருவாய்த்துறை அமைச்சர் ஆர்.பி.உதயகுமார் தகவல்

தென்காசி மற்றும் செங்கல்பட்டு புதிய மாவட்டங்களாக அறிவிக்கப்பட்டுள்ள நிலையில், கும்பகோணத்தை தலைமையிடமாக கொண்டு தனி மாவட்டம் விரைவில் உருவாகும் என்று அமைச்சர் ஆர்.பி.உதயகுமார் தெரிவித்துள்ளார்

18 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.