வாஜ்பாய் உடல் முழு அரசு மரியாதையுடன் தகனம்
பதிவு : ஆகஸ்ட் 17, 2018, 05:44 PM
முன்னாள் பிரதமர் வாஜ்பாயின் உடலுக்கு, வளர்ப்பு மகள் நமீதா எரியூட்ட, 21 குண்டுகள் முழங்க, ராணுவ மரியாதையுடன் தகனம் செய்யப்பட்டது.


முன்னாள் பிரதமர் அடல் பிகாரி வாஜ்பாய் தனது 93-வது வயதில் டெல்லி எய்ம்ஸ் மருத்துவமனையில் நேற்று  காலமானார்.இதனையடுத்து, அவரது வீட்டில் வைக்கப்பட்டிருந்த  வாஜ்பாய் உடலுக்கு பிரதமர் நரேந்திர மோடி, மத்திய அமைச்சர்கள்,காங்கிரஸ் தலைவர் ராகுல்காந்தி,  பா.ஜ.க. எம்.பிக்கள் மரியாதை செலுத்தினர். தமிழக முதலமைச்சர் பழனிசாமி, துணை முதலமைச்சர் பன்னீர்செல்வம், திமுக செயல்தலைவர் ஸ்டாலின், உள்ளிட்ட ஏராளமானோர் அஞ்சலி செலுத்தினர். பின்னர் வீட்டில் இருந்து ஊர்வலமாக கொண்டு செல்லப்பட்ட வாஜ்பாய் உடல், டெல்லியில் உள்ள பாஜக தலைமை அலுவலகத்தில் வைக்கப்பட்டது. அங்கு முக்கிய பிரமுகர்கள், பொதுமக்கள் என பல்லாயிரக்கனக்கானோர்  அஞ்சலி செலுத்தினர்.  பின்னர், அங்கிருந்து, சுமார் 2 மணி அளவில் வாஜ்பாயின் இறுதி ஊர்வலம் தொடங்கியது.  அலங்கரிக்கப்பட்ட ராணுவ வாகனத்தில், வாஜ்பாயின் உடல் கொண்டு செல்லப்பட்ட போது, வழி நெடுகிலும், பொதுமக்கள் மலர் தூவி தங்களது அஞ்சலியை செலுத்தினர். பிரதமர் நரேந்திர மோடி, பாஜக தலைவர் அமித்ஷா உள்ளிட்டோர் சுமார் 4 கிலோ மீட்டர் தொலைவுக்கு இறுதி ஊர்வலத்தில் நடந்து சென்றனர்.

கண்ணீர் விட்டு அழுத பிரதமர் மோடி



ஸ்மிரிதி ஸ்தல் வந்த வாஜ்பாயின் உடல், ராணுவ வாகனத்திலிருந்து இறக்கப்பட்டது. அப்போது பிரதமர் மோடி கண்ணீர் விட்டு அழுதது காண்போரை கண்கலங்க செய்தது. 

முப்படை வீரர்கள் இறுதி மரியாதை



வாஜ்பாய் உடலுக்கு, முப்படை வீரர்கள் இறுதி மரியாதை செலுத்தினர். வேத மந்திரங்கள், ராணுவ இசை முழங்க, வாஜ்பாய் உடலுக்கு பிரதமர் நரேந்திர மோடி, குடியரசுத் தலைவர் ராம்நாத் கோவிந்த், குடியரசு துணைத்தலைவர் வெங்கய்யநாயுடு, பாதுகாப்புத்துறை அமைச்சர் நிர்மலா சீதாராமன், மக்களவை சபாநாயகர் சுமித்ரா மகாஜன்,  ஆகியோர் மலர் வளையம் வைத்து இறுதி அஞ்சலி செலுத்தினர். 

அத்வானி, மன்மோகன் சிங், ராகுல் காந்தி இறுதி அஞ்சலி



முன்னாள் பிரதமர் வாஜ்பாயின் இறுதி சடங்கில் பாஜக மூத்த தலைவர் அத்வானி, பா.ஜ.க. தேசிய தலைவர் அமித்ஷா, முன்னாள் பிரதமர் மன்மோகன் சிங், காங்கிரஸ் தலைவர் ராகுல் காந்தி, ஆப்கான் முன்னாள் அதிபர் ஹமீது கர்சாய், பூடான் மன்னர் ஜிக்மே வாங்கக், பாகிஸ்தான் சட்ட அமைச்சர் அலி ஜாஃபர், இலங்கை வெளியுறவுத்துறை அமைச்சர் லக்ஷ்மண் கிரியேல்லா, உள்ளிட்டோர் பங்கேற்று அஞ்சலி செலுத்தினர். தலைவர்களின் அஞ்சலிக்கு பிறகு, வாஜ்பாய் உடல் மீது போர்த்தப்பட்ட தேசிய கொடி, அவரது பேத்தியான நிகாரிக்காவிடம் ஒப்படைக்கப்பட்டது.

வாஜ்பாய் உடலுக்கு மகள் நமீதா எரியூட்டினார்



பின்னர், வேதமந்திரங்கள் முழங்க குடும்ப உறுப்பினர்கள் பங்கேற்க,வாஜ்பாயின் இறுதி சடங்கு நடைபெற்றது. தகன மேடையில் வைக்கப்பட்டிருந்த அவரது உடலுக்கு, வளர்ப்பு மகள் நமீதா எரியூட்டினார். 21 குண்டுகள் முழங்க, ராணுவ மரியாதையுடன் முன்னாள் பிரதமர் வாஜ்பாய் உடல், தகனம் செய்யப்பட்டது. 

தொடர்புடைய செய்திகள்

திருவாரூர் மக்கள் தேர்தலை விரும்பவில்லை அவர்களுக்கு நிவாரணம் மட்டுமே தேவை - ஜெயக்குமார்

திருவாரூர் மக்கள் தேர்தலை விரும்பவில்லை அவர்களுக்கு நிவாரணம் மட்டுமே தேவை - ஜெயக்குமார்

38 views

முதலமைச்சருக்கு ஸ்டாலின் கண்டனம்...

தினமும் பொய் மூட்டைகளை அவிழ்த்து விடுவதாக தம்மைப் பற்றி விமர்சித்த முதலமைச்சர் எடப்பாடி பழனிச்சாமிக்கு திமுக தலைவர் ஸ்டாலின் கண்டனம் தெரிவித்துள்ளார்.

277 views

மின்சார அமைச்சர் மின்வெட்டு அமைச்சராக இருக்கிறார் - தினகரன்

தமிழகத்தில் அறிவிக்கப்படாத மின்வெட்டு நிலவுவதாக அமமுக பொதுச் செயலாளர் தினகரன் தெரிவித்துள்ளார்.

89 views

முன்னாள் பிரதமர் வாஜ்பாய் மருத்துவமனையி்ல் அனுமதி

முன்னாள் பிரதமரும், பா.ஜ.க மூத்த தலைவருமான வாஜ்பாய், டெல்லியில் உள்ள எய்ம்ஸ் மருத்துவமனையில் அனுமதிக்கப்பட்டுள்ளார்

339 views

பிற செய்திகள்

இலங்கை குண்டுவெடிப்பு - பிரதமர் மோடி கண்டனம்

இலங்கை குண்டுவெடிப்பு சம்பவத்திற்கு பிரதமர் மோடி கடும் கண்டனம் தெரிவித்துள்ளார்.

10 views

இலங்கை குண்டுவெடிப்பை கண்டித்து சுதர்சன் பட்நாயக் உருவாக்கியுள்ள மணல் சிற்பம்

இலங்கை குண்டுவெடிப்பை கண்டித்து ஒடிசா மாநிலம் பூரி கடற்கரையில் மணல் சிற்பம் உருவாக்கப்பட்டது.

25 views

குண்டு வெடித்து வேட்பாளர் படுகாயம்

ஒடிசாவில் இரண்டு இடங்களில் நடைபெற்ற குண்டுவெடிப்புகள் அதிர்ச்சியை ஏற்படுத்தியுள்ளது

58 views

இலங்கை குண்டுவெடிப்பு - இந்தியர்கள் 3 பேர் பலி

இலங்கையில் நடந்த குண்டுவெடிப்பில் இந்தியர்கள் 3 பேர் உயிரிழந்ததாக மத்திய வெளியுறவுத் துறை அமைச்சர் சுஷ்மா ஸ்வராஜ் தெரிவித்துள்ளார்.

61 views

திருப்பதி : தங்கத்தைக் கொண்டு வருவதில் பாதுகாப்பு குறைபாடுகள் - விசாரணை செய்ய ஆந்திர அரசு உத்தரவு

திருப்பதி ஏழுமலையான் கோவிலுக்கு சொந்தமான ஆயிரத்து 381 கிலோ தங்கத்தை வெளிநாட்டில் இருந்து கொண்டு வருவதில் இருந்த பாதுகாப்பு குறைபாடுகளை விசாரிக்க ஆந்திர மாநில முதன்மை செயலாளர் உத்தரவிட்டுள்ளார்.

56 views

அரசு அலுவலகத்தில் மது அருந்திய ஊழியர்கள் : மதுவை ஊற்றும் காட்சிகள் வெளியானதால் அதிர்ச்சி

உத்தரபிரதேச மாநிலம் அலிகாரில் அரசு அலுவலகத்தில் பணி நேரத்தின்போது ஊழியர்கள் மது அருந்தியது அதிர்ச்சியை ஏற்படுத்தி உள்ளது.

79 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.